ENCE propón a 16 asociacións formar un grupo de traballo pola recuperación da ría
Por Redacción
"Un espazo de encontro permanente que facilite que as organizacións e colectivos relacionados coa ría reunámonos periodicamente para intercambiar datos, opinións, inquedanzas e propostas".
É a invitación que Ence enviou por carta a 16 asociacións e colectivos.
A misiva, escrita polo director da pasteira en Pontevedra. Antonio Casal, pretende crear un grupo de traballo permanente que permita mellorar a calidade das augas da ría.
"Demostrouse que o precario das relacións entre nós non beneficia a ninguén e prexudica á ría e, moi especialmente, á calidade das augas e ao marisqueo", sinala a empresa.
A correspondencia enviouse, segundo Ence, ás tres confrarías do fondo da ría, á Plataforma polo Saneamento da Ría, Asociación de Pescadores Tenlo de Marín, Autoridade Portuaria, Asociación de Hoteis de Pontevedra, Vaipolorrío, APDR, AJE, AEMPE, Cámara de Comercio, Viaqua, Augas de Galicia, Intecmar e a Plataforma Pro-Industria de Pontevedra.
Na carta, a pasteira se comprete a entregar aos colectivos "toda a información da que dispón ou se lle requira relacionada coa súa actividade, proceso de depuración, etc.".
Este anuncio de Ence prodúcese o mesmo día en que a Plataforma Ence Fóra ten previsto realizar unha marcha de protesta contra a prórroga de 60 anos da concesión á empresa.
Relacionadas:
-
O Concello acorda presentar un recurso na Audiencia Nacional contra a prórroga a ENCE
Por Alejandro Espiño |
-
Ence Fóra volve clamar na rúa contra a prórroga á pasteira
Por Diego Espiño & Diego Torrado |
-
Bará fixa como eixo da súa campaña a batalla contra ENCE, "a peste do século XXI"
Por Diego Espiño |
-
ENCE apoiará a compra dun barco para as confrarías da ría
Por Redacción |
-
Ence adxudica o proxecto de integración paisaxística da fábrica de Lourizán
Por Redacción |