O BNG leva ao Parlamento galego a anulación da prórroga de ENCE e a denegación da planta de biomasa
Por Oskar Viéitez
O deputado nacionalista Luís Bará rexistrou este xoves unha batería de iniciativas parlamentarias en relación coa prórroga de ENCE e coa modificación do proxecto sectorial para dar vía libre á planta de biomasa.
A proposición de lei presentada polo BNG propón que o parlamento galego inste á Xunta a demandar do goberno do Estado a anulación da prórroga de ENCE antes do 28 de xullo de 2018 (data de caducidade prevista na lei de Costas) para evitar posibles indemnizacións por lucro cesante.
Por outra parte, a proposta nacionalista tamén inclúe a denegación da autorización para a planta de biomasa.
Neste caso entre as razóns esgrimidas polo Bloque destacan dúas: por ir en contra das determinacións das Directrices de Ordenación do Territorio e do Plan de Ordenación do Litoral e polo "fortísimo impacto que tería a instalación tanto na contorna como polas súas consecuencias negativas nos montes e na biodiversidade".
Relacionadas:
-
En Marea asegura que o PSOE "xógase moito" coa decisión que tome sobre ENCE
Por Alejandro Espiño |
-
ENCE chama "populista" a Lores e asegura que a súa fábrica non contamina "en absoluto"
Por Redacción |
-
Lores felicita a Pedro Sánchez e pídelle cumprir coa retirada de Ence da ría
Por Alejandro Espiño |