O PP solicita un Punto Lila contra a violencia machista durante a Feira Franca
Por Redacción
O grupo municipal do Partido Popular ven de solicitar a instalación dun Punto Lila durante a celebración da Feira Franca que conte con persoal especializado en violencia machista e que permita así denunciar posibles casos de agresión sexual, ademais de ofrecer asesoramento e axuda.
Dende as filas populares consideran que "este espazo debe ser visible para todas as persoas que participen da festa e mesmo contar con persoas especializadas que poidan socorrer ás posibles vítimas", sinalou este martes a concelleira popular, María José Rodríguez, así, ademais dos efectivos policiais "sería bo que profesionais en materia de violencia machista e igualdade estivesen no espazo establecido para poder ofrecer unha mellor atención".
Non descartan que a campaña posta en marcha polo Concello de Pontevedra durante as festas da Peregrina poida servir para dar a coñecer aos asistentes a existencia do Punto Lila, pero ademais entenden que "é preciso facer visible o espazo concreto", puntualizou a edil popular.
"Durante as festas deste mes de agosto, moitas persoas se preguntaban á razón pola que estaban abertas as portas da Casa Consistorial, é preciso indicar que aquí se atopa o punto de atención directa" e mesmo "podería sacarse o espazo á rúa para que sexa máis sinxelo recoñecelo", engadiu.
Relacionadas:
-
As festas de San Miguel contarán con Puntos Lila contra a violencia machista
Por Almu Dapena |
-
Obxectivo: Feira Franca sen acoso e incidentes
Por Redacción |
-
A Subdelegación do Goberno e o Concello discrepan sobre a conveniencia de ter un punto morado na Feira Franca
Por Natalia Puga & Oskar Viéitez |
-
Trece rúas do casco histórico estarán pechadas por colocación de mesas durante a Feira Franca
Por Redacción |
-
Un detido por intento de agresión sexual a unha moza na zona de acampada do Armadiña Rock
Por Natalia Puga |
-
Ponte Caldelas dá comezo ás Festas das Dores rexeitando calquera expresión de violencia machista
Por Redacción |
-
En Poio, se non é SI, tamén é NON
Por Oskar Viéitez |