A confección de máscaras une máis aínda á aldea cuntiense de Cardecide
Por Redacción
Cardecide é unha aldea de Cuntis. Conta cunha Asociación de Veciños que en datas sinaladas mobiliza aos seus membros para realzar o espírito de comunidade. E esta vez non foi diferente. A confección de máscaras está a ser outro nexo de unión nun momento de illamento.
Como axudar neste momento? era a pregunta que roldaba na cabeza de Carmen unha vez decretado o estado de alarma. A resposta atopouna nun lenzo de algodón procedente das pezas que tempo atrás regalábanse á parellas que ían a casar. Contactou co alcalde do municipio, Manuel Campos, para expoñerlle a súa idea de confeccionar máscaras "dado que había varias familias afectadas en Cuntis". O rexedor dáballe o visto e prace, poñéndose á súa disposición para organizar a repartición.
Así foi como Carmen contactou con Teresa, deseñaron os patróns e puxeron en marcha as súas máquinas de coser. A iniciativa expandiuse de forma que os veciños foron achegando máis pezas de algodón (cento por cento) algúns metros de goma: "aquí cada un achegou o que tiña e pode ser útil", explica Carmen, sen esquecerse do ofrecemento da Comunidade de Montes ou de persoas doutros puntos do municipio que tamén están a confeccionar.
Unha vez que xa empezaron a ter máscaras feitas, os voluntarios de Protección Civil lévanas para repartir, non só dentro do municipio, senón que tamén se fixeron chegar duascentas, das mil que yan conseguiron realizar, para a cooperativa Cobideza. As máscaras son de dobre tea cunha abertura que permite meter máis protección se fose necesaria.
Relacionadas:
-
Máscaras por alimentos para combater todas as ameazas do coronavirus
Por Manu Otero |
-
Cuntis reforzará os controis tras detectar "certa relaxación" e conductas "inadecuadas"
Por Redacción |
-
Cuntis pon en marcha a campaña 'Mata o virus, lava as mans'
Por Redacción |
-
Cuntis apoia os escolares durante o confinamento e imprime a domicilio deberes, apuntes e traballos escolares
Por Redacción |
-
Cuntis destinará 10.000 euros a familias sen recursos para adquirir comida ou medicamentos
Por Redacción |
-
Manuel Campos, alcalde de Cuntis: "O de Cuntis é un pobo forte e demóstrao sempre ante a dificultade"
Por Redacción |