O 30% dos estudantes galegos non ten acceso á educación de maneira non presencial
Por Redacción
Con motivo da actual situación de confinamento que se está vivindo pola expansión do COVID-19, a Confederación Galega de Anpas de Centros Públicos (CONFAPA) realizou unha enquisa para coñecer en primeira persoa as dificultades que teñen as familias para conciliar a vida cotiá co proceso educativo.
Para iso contaron coa participación de máis de 6200 respostas, o que supón un 10% da poboación tendo en conta o número de escolares en centros públicos de Galicia. De todos os datos recolleitos extraeron as seguintes conclusións:
- O 30% das familias non teñen acceso a redes que lles permita desenvolver unha educación non presencial cunhas condicións mínimas para que a transmisión de coñecemento sexa factible.
- Un 37% de estudantes non dispoñen de estancia propia para desenvolver o seu traballo, polo que teñen que usar espazos comúns. Así mesmo, o 63% de familias teñen que compartir o único computador dispoñible, que vale para teletrabajar, asistir a clase e facer os deberes.
- As ferramentas, canles e contidos utilizados polos profesores é moi variada, polo que as familias están obrigadas a consultar todo tipo de canles sen unha estrutura nin organización. Os máis utilizadas son o correo electrónico e a páxina web do centro, ademais das redes sociais como Instagram ou Whatsapp.
- A carga de traballo no alumnado está a ser diversa pero nos niveis educativos superiores a maioría de alumnos utiliza máis de 5 horas ao día para desenvolver as actividades.
- En moitos casos, os estudantes con necesidades de apoio ou necesidades educativas especiais son os gran olvidados xa que, en moitos casos, os pais non teñen coñecementos suficientes para suplir o traballo do profesorado específico nin as ferramentas docentes adecuadas.
En canto aos datos recolleitos, desde CONFAPA Galicia queren resaltar que non hai un rexeitamento social sobre o proceso de educación a distancia nas circunstancias actuais e que o actual desenvolvemento deste período de educación non presencial non cumpre cos preceptos constitucionais de universalidade nin coa igualdade de oportunidades.
Para a finalización do curso no terceiro trimestre, consideran que nestas circunstancias é imposible facer unha avaliación xusta ao alumnado, polo que están en contra de que o remate do curso prodúzase nesas situacións.
Por último, esixen estar presentes en todos os órganos nos que se tomen as decisións en canto á continuidade do curso escolar 2019/2020 e que calquera decisión conte co visto e prace das familias.
Relacionadas:
-
RADIO.- Javier Mur Isaiz: "Non por meter tecnoloxía en Educación estamos a innovar, hai que cambiar a metodoloxía"
Por Marisa Ciordia |
-
Moitos escolares pontevedreses non poden facer os deberes por non ter acceso a internet
Por Redacción |
-
Vinte e catro familias sen recursos do municipio de Poio están a recibir material escolar
Por Oskar Viéitez |
-
O 82% do alumnado ten limitacións para comunicarse cos seus profesores, cunha maior afectación no ámbito rural
Por Redacción |
-
A mestra e inventora Ángela Ruiz protagoniza o terceiro capítulo da serie Aprende coas Mulleres Galegas
Por Redacción |
-
A Fanpa advirte que vixiará que non se avalíen contidos novos durante o confinamento e non descarta denuncias
Por Natalia Puga |
-
O Concello de Poio vixía que ninguén se quede sen acceso á educación por falta de recursos
Por Oskar Viéitez |
-
Clases non presenciais e exames virtuais, entre os plans da Universidade de Vigo
Por Alejandro Espiño |
-
Estudantes de Publicidade e RRPP da Uvigo combaterán as noticias falsas con vídeos divulgativos
Por Redacción |
-
A Universidade de Vigo dita normas para finalizar o curso desde casa
Por Manu Otero |
-
Cuntis apoia os escolares durante o confinamento e imprime a domicilio deberes, apuntes e traballos escolares
Por Redacción |
-
A UNED crea un portal web para a formación online desde casa con motivo do estado de alarma
Por Sara Iglesias |
-
Eu quedo na casa... e estudo
Por Oskar Viéitez |