Entidades sociales de Pontevedra reciben 60.000 máscaras de protección
Por Redacción
Tres entidades sociais da provincia de Pontevedra recibiron por parte do Goberno unha nova entrega de máscaras de protección contra a COVID-19. Cada unha delas recibirá unhas 20.000 unidades para, á súa vez, repartilas entre os colectivos que as integran.
En concreto, a repartición destas máscaras fíxose entre Cruz Vermella Pontevedra, Cáritas -que as entregará nas súas sedes de Tui-Vigo e O Salnés- e o colectivo CERMI, que fará chegar este material sanitario a COGAMI, ONCE ou Aspace, entre outros.
A subdelegada do Goberno, Maica Larriba, destacou o esforzo realizado polo executivo central para dotar destas máscaras á poboación máis vulnerable ou que poidan ter unha "maior limitación" á hora de adquirilas pola súa "situación máis desfavorecida".
A entrega deste material de protección súmase, segundo sinalou Larriba, ás máis de 560.000 máscaras repartidas na provincia desde o pasado 13 de abril, para cubrir as necesidades da poboación no retorno ás actividades non esenciais.
Ademais, subliñou que, de acordo ás diferentes fases de desconfinamento, segue sendo "importante" seguir o protocolo marcado polas autoridades sanitarias, "tanto a nivel de distancia social como de hixiene frecuente de mans".
Estas medidas, defendeu a subdelegada, "reducen ao mínimo" as posibilidades de contaxio entre a cidadanía, polo que animou a seguir con este comportamento para superar a pandemia "entre todos" e avanzar "con máis forza" cara á "nova normalidade".
Relacionadas:
-
Cermi, Cruz Vermella e Cáritas reciben 48.000 máscaras protectoras para as persoas vulnerables
Por Redacción | Creada e actualizada
-
#UnFuturoMejor, a campaña de Amencer-ASPACE con motivo do Día Mundial da Parálise Cerebral
Por Redacción |
-
Os concellos e ONGD de Pontevedra recibirán 300.000 máscaras do Goberno como apoio ao inicio do curso escolar
Por Redacción |
-
A Garda Civil confisca 9.330 mascarillas sen homologar en Meis
Por Oskar Viéitez |
-
As máscaras serán de uso obrigatorio na rúa a partir deste xoves
Por Oskar Viéitez |
-
As máscaras serán obrigatorias nos espazos pechados e na rúa se non se garanten os dous metros de distancia
Por Redacción |