Outra xornada preocupante na área sanitaria, con 51 novos positivos de COVID e 651 casos activos
Por Diego Espiño
Xornada de novo preocupante na área sanitaria de Pontevedra e O Salnés, que polo momento non ve unha redución no ritmo de novos contaxios de coronavirus.
Segundo o balance oficial feito público este sábado 19 de setembro pola Consellería de Sanidade, a área pontevedresa mantense como a de maior incremento de casos de toda Galicia ao rexistrarse 51 novos positivos con respecto á xornada anterior.
Esta cifra dedúcese do aumento en 40 dos 'casos positivos' xunto aos 11 pacientes que recibiron o alta epidemiolóxica. En total, en Pontevedra e O Salnés permanecen activos 651 casos de COVID19.
Esta tendencia á alza segue repercutindo ademais na presión hospitalaria, con dous pacientes máis hospitalizados (24 en total). Deles 17 están ingresados en planta no hospital de Montecelo, 2 máis no Hospital QuirónSalud Miguel Domínguez e 5 evolucionan na Unidade de Coidados Intensivos (UCI).
Desde o inicio da pandemia superaron o COVID 1.141 persoas na área sanitaria, falecendo 19 pacientes positivos.
Na última xornada realizáronse na comarca 546 probas PCR, que se engaden ás 35.183 efectuadas ata a data.
A nivel autonómico, a Dirección Xeral de Saúde Pública da Consellería de Sanidade informa que, segundo a última actualización, o número de casos activos de coronavirus en Galicia é de 4.365, o que supón 48 máis que o venres. Deles 1.223 son da área da Coruña, 744 da de Lugo, 509 da de Ourense, 651 da de Pontevedra, 431 da área de Vigo, 626 da de Santiago, e 181 da de Ferrol.
Do total de pacientes positivos, 29 están en UCI, 200 en unidades de hospitalización e 4.136 no domicilio. Neste momento, en Galicia hai un total de 16.525 persoas curadas, rexistrándose 710 falecementos. As tres últimas persoas falecidas en centros hospitalarios foron un home de 93 anos que faleceu no hospital privado POLUSA de Lugo, unha muller de 85 anos que faleceu no Hospital Lucus Augusti e un home de 89 anos que faleceu no CHUAC. Todos presentaban patoloxías previas.
Relacionadas:
-
Pontevedra rexistra 39 novos contaxios de COVID e sitúase como segunda área sanitaria galega con peores datos, con 702 casos activos
Por Diego Espiño |
-
A semana comeza con 28 novos positivos por COVID e 667 casos activos na área sanitaria
Por Diego Espiño |
-
Os casos activos de COVID soben a 658 tras rexistrarse 26 novos positivos na área sanitaria
Por Diego Espiño |
-
Sanidade inicia en Pontevedra o cribado preventivo con PCR a profesionais de restauración e hostalería
Por Redacción |
-
Os hospitalizados por COVID-19 na área sanitaria ascenden a 22, cinco deles na UCI
Por Alejandro Espiño |
-
Falece un home de 56 anos por Covid en Pontevedra e continúa a escalada de casos: 585 activos na área sanitaria
Por Redacción |
-
Sanidade impón restricións a Marín ante o incremento de casos de COVID-19
Por Alejandro Espiño |
-
Outros 29 positivos elevan a 577 os casos activos por COVID-19 na área sanitaria
Por Alejandro Espiño | Creada e actualizada