Apoio municipal a Melania Rodríguez antes das citas clave para estar en París 2024
Por Diego Espiño
Melania Rodríguez quedou en novembro a pouco máis de dúas décimas de lograr a clasificación directa para os Xogos Olímpicos de París. É a distancia que lle separou da final de trampolín no último Mundial, cita na que logrou un brillante ouro na especialidade de dobre mini-tramp, non olímpica.
"Agora mesmo veñen as dúas copas do Mundo que son clasificatorias e que son as últimas oportunidades para conseguir a praza olímpica", explicou a deportista do Club Ximnasia Pontevedra tras ser recibida polo alcalde de Pontevedra, Miguel Anxo Fernández Lores, e a concelleira de Deportes, Anabel Guías.
A recepción prodúcese con motivo do seu ouro mundialista de dobre mini-tramp conseguido na localidade inglesa de Birmingham.
En canto ao que lle espera, a finais de febreiro e marzo respectivamente, Melania móstrase optimisma asegurando que "a verdade é que me vexo moi ben, estou a adestrar moi ben e despois do Mundial que conseguín facer atópome moi motivada para afrontalo".
Para iso prepárase a diario desde a Boa Vila, xa que a súa base de adestramento é o Centro Galego de Tecnificación Deportiva.
Relacionadas:
-
Melania Rodríguez apunta alto no Campionato de Europa de Guimaraes
Por Diego Espiño |
-
Os Xogos Olímpicos escapan para Melania Rodríguez
Por Diego Espiño |
-
Bakú marca o camiño cara a París de Melania Rodríguez
Por Diego Espiño |
-
Melania Rodríguez, concentración en Portugal antes de lanzarse a pola súa última baza olímpica
Por Diego Espiño |
-
Bádminton e kick boxing centran unha xornada de recepcións a deportistas locais
Por Redacción |
-
A Selección Española de Ximnasia preparará en Pontevedra o Europeo de dobre mini-tramp
Por Redacción |
-
Melania Rodríguez, campioa do mundo de dobre mini-tramp
Por Redacción |
-
O Mundial de Trampolín de Birmingham, o 'día D' para Melania Rodríguez
Por Diego Espiño |
-
Campionato de España redondo para o Ximnasia Pontevedra
Por Redacción & Cristina Saiz | Creada e actualizada