Máis da metade do aforo para o España-Italia en Pasarón estaba comprometido en prevenda aos clubs
Por Diego Espiño
A Real Federación Galega de Fútbol (RFGF) saíu ao paso da polémica xerada pola venda de entradas para o partido da Selección Española Feminina fronte a Italia en Pasarón, tras esgotarse as localidades en poucos minutos.
O organismo federativo, a través dun comunicado, matiza en primeiro lugar que "circunstancias do estadio e motivos de seguridade reduciron o aforo notablemente e por baixo das 9.000 localidades".
Refírese a Federación á ausencia de butacas en varias zonas do campo, especialmente detrás das porterías, e que non puideron saír á venda, e tamén á distancia de seguridade esixida por UEFA e que inhabilitou a primeira fila de asentos.
En todo caso o maior número de localidades comprometeuse xa en preventa aos clubs femininos galegos nunha promoción que habitualmente realiza a Real Federación Española. "Foron moitos os que se sumaron a esta campaña comprando un número considerable de entradas que supera a metade do aforo dispoñible", confirma a Federación Galega.
Ademais a RFGF enviou dúas invitacións a todos os clubs de fútbol da provincia de Pontevedra "destinadas principalmente aos directivos en recoñecemento ao traballo diario que realizan".
Por último engádense "os compromisos habituais institucionais e de esponsorización dun partido internacional, o que ocupa a plataforma televisiva e a cota de entradas que deben reservarse para a afección visitante".
Todo un cúmulo de circunstancias que limitaron ao redor de 2.000 a venda de localidades ao público xeral ocasionando o 'sold out' en apenas minutos coas queixas posteriores dos afeccionados que non lograron facerse cunha entrada para ver ás campioas do mundo.
Ante isto o organismo reitor do fútbo autonómico declarou que "lamentamos que moitos afeccionados quedaron sen entrada pero ao mesmo tempo satisfainos saber que o estadio vaia a presentar un sensacional ambiente cun cheo absoluto e, sobre todo, que a maioría dos que van estar no campo son persoas vinculadas ao fútbol feminino galego, especialmente nenas que se están iniciándose no deporte rei".
Relacionadas:
-
Montse Tomé agradece "a Pontevedra e a toda Galicia o agarimo. É moi especial para as xogadoras"
Por Diego Espiño & Mónica Patxot |
-
Traballo a contrarreloxo para que Pasarón luza a súa mellor cara no España-Italia
Por Diego Espiño & Mónica Patxot |
-
Tere Abelleira recibe a insignia de ouro e brillantes da RFEF
Por Redacción |
-
Gorka Gómez denuncia "presións políticas aos clubs" para que apoien a xestión da venda de entradas do España-Italia
Por Diego Espiño |
-
Alexia Putellas non estará en Pasarón: cae da convocatoria da Selección por lesión
Por Diego Espiño |
-
Pontevedra xa respira o ambiente do España-Italia
Por Redacción |
-
O PSOE censura a "incompetencia alarmante" do presidente da Deputación no caso das entradas para o España-Italia
Por Anxo Lourido |
-
Rafael Louzán: "Toda rapaza federada de fútbol feminino que quixo estar neste partido vai poder estar"
Por Diego Espiño |
-
Comeza a posta a punto de Pasarón de cara ao partido entre España e Italia
Por Almu Dapena |
-
O adestramento da selección española de fútbol do próximo xoves en Pasarón será gratuíto e aberto ao público
Por Oskar Viéitez |
-
Unha 'fan zone' en Montero Ríos, aperitivo ao partido das campioas do mundo en Pontevedra
Por Redacción |
-
Críticas e indignación pola falta de entradas para o España-Italia: "Non vin a ninguén que as conseguira"
Por Diego Espiño |
-
Tolemia polas entradas do España-Italia en Pasarón: Esgotadas en 15 minutos
Por Diego Espiño |
-
O España-Italia, unha proba de lume para o renovado céspede de Pasarón
Por Diego Espiño |
-
Montse Tomé, sobre o España-Italia en Pasarón: "Afrontamos o partido coma se fose practicamente o último"
Por Diego Espiño |
-
Tere Abelleira non falla na convocatoria de España para o seu partido en Pasarón
Por Diego Espiño |
-
As entradas para o España-Italia en Pasarón, á venda o xoves 23 de novembro
Por Diego Espiño |
-
Fixado o horario para o partido entre España e Italia en Pasarón
Por Redacción |