Cruz Sánchez de Lara ofrece con 'En la corte de la zarina' unha novela histórica ambientada no reinado de Catalina II a Grande. Nese contexto recupera, ou descobre, o legado dun español, José de Ribas e Boyons Plunkett, militar, estratego, enxeñeiro e fundador da cidade ucraína de Odesa.
"Cando me decatei que José de Ribas seguía tendo tanta importancia en Ucraína, ata o punto que a principal rúa de Odesa segue levando o seu nome e que mantiñan a súa estatua como último vestixio da etapa de Rusia en Ucraína, pareceume que era un personaxe para coñecer, que era bastante inxusto que nos esquecésemos del e que non nos parásemos a ver quen era ese home que se meteu na corte de Catalina a Grande ata o punto de que co seu fillo Pablo chegou a ser ministro", explica no podcast 'Cara a cara'.
É unha novela histórica e ao tempo unha novela moi actual: "Potemkin era o marido secreto da tsarina e amor da súa vida ata o final e co que xestionou o seu concepto do imperio. O seu proxecto militar era expandir Rusia ata Constantinopla e para iso era necesaria Ucraína porque lles daba portos ao mar Negro e isto equiparáballes ao resto de imperios. Pontemkin é o ídolo militar de Putin e teño a convicción de que o que quere é ser un tsar e para ter un imperio faille falta Ucraína", así que esta lectura tamén axuda "a entender o que está pasado neste momento".
Outro atractivo deste libro é a propia tsarina que protagoniza a parte frívola da novela que relata a promiscuidade de Catalina a Grande quen tiña ata unha catadora de amantes na corte. A charla con Cruz Sánchez de Lara, avogada, activista e vicepresidenta do Español xunto a unha breve recreación sonora da sonora da novela está dispoñible na web de PontevedraViva Radio e igualmente pódese reproducir na ligazón que se adxunta.