O Tempo

O venres Galicia estará con inestabilidade atmosférica pola presenza de aire frío en altura, debido a unha dana situada ó oeste da Comunidade. Polo tanto, o ceo presentará nubes pola mañá, con apertura de grandes claros a partir do mediodía. Néboas no litoral. Pola tarde medrarán nubes de evolución con chuvascos de tipo treboento nas zonas altas do leste e sur do territorio. As temperaturas mínimas non terán cambios e as máximas sufrirán un lixeiro descenso. Os ventos soprarán frouxos de dirección variable, con réxime de brisas pola tarde.

Durante o sábado Galicia quedará influenciada por unha dana situada ó oeste de Portugal, que inestabilizará a atmosfera debido a presenza de aire frío en altura. Con isto, teremos néboas costeiras e nubes baixas que co avance do día iran desaparecendo en zonas do interior. Pola tarde crecerán nubes de evolución que deixarán chuvascos treboentos e de intensidade localmente forte, máis probables no centro e norte da Comunidade. As temperaturas sen demasiados cambios, con lixeiros ascensos nos valores máximos. Os ventos soprarán do norte-noroeste frouxos en xeral, con refachos moderados en Bares.

O domingo Galicia continuará con inestabilidade atmosférica. Deste xeito, o ceo estará con alternancia de nubes e claros e con formación de nubes de evolución que deixarán chuvascos treboentos máis probables na provincia de Lugo. As temperaturas sufrirán un descenso entre moderado e notable. O vento soprará frouxo do suroeste, moderado no litoral norte.