As nenas e nenos de 3º e 4º curso do CEIP As Bizocas de O Grove, trouxeron a PontevedraViva Radio o tema a tratar moi ben sabido.
O espazo foi o eixo temático proposto, e o que levan traballando durante todo o curso lectivo, deixándoo patente no podcast que gravaron para 'A familia Xachoconto'.
Expuxeron todo o que sabían sobre a recente misión espacial Artemis II a bordo da nave Orión, así como doutras expedicións anteriores ao espazo.
Tiveron ocasión de escoitar sons da NASA, ou aprender que é a Estación Espacial Internacional e falar dos vindeiros eclipses.
Para animar a súa curiosidade lectora, aprenderon quen era a persoa que máis horas pasou no espazo exterior.
Trátase da norteamericana Peggy Whitson, á que descubriron a través do libro 'Las chicas van donde quieren', de Irene Cívico e Sergio Parra con ilustracións de Nuria Aparicio.
A iniciativa de PontevedraViva Radio compleméntase cun achegamento aos medios de comunicación.
Así, ademais da gravación do podcast, puxéronse no rol de 'opinadores' ou 'tertulianos' e aprenderon algúns conceptos e funcionamentos propios do medio radiofónico.
Engade Pontevedra Viva como fonte preferida de Google de balde
Mantente informado coas últimas noticias de actualidade.