As escolas deportivas municipais de Soutomaior dixeron adeus a este curso escolar 2024 -2025.
Durante a xornada deste sábado, os preto de 300 nenos e nenas que participaron nas escolas deportivas infantís protagonizaron o acto oficial de clasura da actividade.
Puxeron fin ás actividades cunha exhibición que amosou a destreza e coñecemento adquiridos entre outubro e maio.
O alcalde de Soutomaior, Manu Lourenzo; a concelleira de Asociacións, Charo Bouzón; e Raquel Villaverde, coordinadora deportiva no municipio, asistiron ao acto.
Ao remate da exhibición dos máis pequenos e pequenas, Manu Lourenzo e Charo Bouzón entregaron a cada unha das persoas participantes unha medalla polo esforzo e adicación amosado ao longo deste curso.
Manu Lourenzo deu as grazas ás familias e as pequenas e pequenos por formar parte un ano máis das escolas deportivas e lembrou o importante que é o deporte no día a día.
"O deporte é constancia, esforzo", sinalou o alcalde, que engadiu que "o futuro de Soutomaior que temos e debemos levar adiante con estrutura e ilusión por elas e eles vale a pena todo o esforzo".
A modo de despedida, coreou "que vivan as escolas deportivas de Soutomaior, e que viva o deporte”.
Máis 400 persoas participaron nun total de 14 actividades durante este curso, 300 delas, en idade infantil.
Os nenos e nenas tiveron a opción de asistir a fútbol sala, baloncesto, pádel infantil, tenis infantil, xinmasia acrobática, ximnasia rítmica, xogos motores, iniciación ao deporte, multideporte e patinaxe deportivo infantil.
As preto de 100 persoas adultas participantes tiveron accións de actividade física para adultos, tenis e pádel.