A Asociación Cultural e Deportiva Campañó foi a triunfadora do certame de Maios celebrado durante este 1 de mes na praza da Ferrería de Pontevedra. Nun disputado evento, Campañó fíxose co premio ao mellor maio e o premio especial Maio.
No apartado de cantigas, o premio obtívoo a Asociación Recreativa Xeve mentres que a mellor interpretación recaeu no Colexio Froebel. A Asociación Cultural de Marcón presentou a mellor coroa de flores e o premio especial do xurado leváronllo dous centros escolares, o Colexio Barcelos e o CEIP de Lérez.
O certame foi seguido por centos de persoas que se achegaron ata a céntrica praza da Ferrería para escoitar as irónicas cantigas nunha edición na que participaron doce colectivos.
MAIOS EN POIO
En Poio, o concurso celebrouse na chaira da Seca e os premios foron repartidos da seguinte maneira:
Premio Mellor conxunto: 1- Maio Chupipandi, 2- Maio Marepodium e dous terceiros premios para Maio Pimpin e Maio Armadiña.
Premio Coplas: 1- Maio Pequecheiro, 2- Maio Marepodium e dous terceiros premios para Maio Boureante e Chupipandi
Premios Actuación: 1- Maio Fontenla, 2- Maio Laretas e dous terceiros premios para Maio Marepodium e Maio Boureante.
Premios Maio: 1- Maio Chupipandi, 2- Maio Pimpim e dous terceiros premios para Maio Marepodium e Maio Ludomaio.
Premios Coroa: 1- Maio Chupipandi, 2- Maio Marepodium e dous terceiros premios para Maio Fontenla e Maio Boureante.
Premios barco tradicional: dos primeiros premios para Maio Chupipandi e Maio Boureante, 2- Maio Pequecheiro e 3- Maio Marepodium.
MARÍN
Seis maios e dúas embarcacións participaron na 63 edición da Festa dos Maios de Marín, na que o Maio Landeiras gañou dous primeiros premios nas categorías de coroa e de interpretación, o Maio Porviso levouse o apartado de construción e o Maio Mariñeiro do Sequelo resultou gañador pola letra. Ademais o Rampleiro San Xián dos Ancourados quedou en primeira posición en letra, mentres que a Embarcación Xiana venceu nas categorías de construción e interpretación.
Unhas 150 persoas de todas as idades participaron na Festa dos Maios de Marín organizada polo Ateneo Santa Cecilia.
Engade Pontevedra Viva como fonte preferida de Google de balde
Mantente informado coas últimas noticias de actualidade.