Despois de tres días de descensos, o municipio de Pontevedra volve ver como se incrementan os casos activos de Covid entre os seus veciños.
Segundo os datos facilitados polo propio Concello, a capital provincial contabiliza a día 3 de xaneiro 143 infeccións activas, o que supón 6 casos máis que a xornada anterior.
Tamén sobe no seu cómputo, pasando a nivel laranxa de alerta, Vilanova de Arousa ao detectar 2 novos contaxios para un total de 5.
En canto á zona perimetral que comparte Pontevedra cos seus municipios lindeiros, Poio experimentou un lixeiro descenso con 42 casos (-3) e Marín mantense en 46 casos activos.
Pola súa banda entre o resto de municipios que facilitaron os seus datos, Vilagarcía de Arousa contabiliza 87 afectados (-3) e Sanxenxo 33 (-4).
Todo iso nunha xornada na que a área Sanitaria de Pontevedra e O Salnés conta con 710 casos activos, segundo o balance do Servizo Galego de Saúde.