O vindeiro domingo 21 de setembro, o Campiño de Santa María encherase de sabor, diversidade e bo ambiente coa celebración do IV Concurso Tortilleiro de Pinto e Maragota.
A cita arrinca ás 13:30 horas e marca o inicio dos vermús de outono deste programa municipal pola diversidade sexual e de xénero, impulsado pola Concellaría de Igualdade.
Si tes unha receita estrela ou unha moi creativa e queres a participar, podes apuntarte enviando un correo a info@pintomaragota.gal antes do sábado 20 de setembro ás 17:00 horas.
O concurso conta con dúas categorías: o de tortilla tradicional: a de toda a vida, con patacas, ovos, aceite, sal… e cebola (opcional) e a de tortilla queer, onde vale todo nunha aposta pola creatividade coa que se permiten ingredientes libres e sabores sorprendentes.
As tortillas deberán entregarse o domingo 21 ás 12:30 horas, baixo os soportais do Campiño.
Un xurado formado por representantes da hostalaría local, do colectivo Pinto e Maragota e de AVANTE LGBT+ Pontevedra será o encargado de elixir as mellores.
Respecto dos premios, para a mellor tortilla tradicional, unha cea ou xantar para dous no restaurante Trasmallo. E para a máis orixinal tortilla queer, o premio será no Icewolf.