A agrupación de Protección Civil de Oitavén-Tea, que atende a cinco municipios da provincia -un deles o da Lama- disporá dunha nova furgoneta para atender as emerxencias.
O novo vehículo foi entregado este sábado polo vicepresidente da Xunta, Alfonso Rueda.
É o segundo vehículo que a Xunta concede a este servizo mancomunado entre os concellos de Mondariz-Balneario, Mondariz, Fornelos de Montes, Covelo e A Lama.
No marco da entrega da furgoneta, Rueda recordou que Galicia reforzará o mapa de emerxencias con cinco novos GES e un servizo municipal de emerxencias.
Un destes grupos supramunicipais terá a súa sede na Lama e atenderá as emerxencias que se produzan tamén en Cerdedo-Cotobade, Fornelos de Montes e Ponte Caldelas.