Ofrecer alternativas de lecer creativo e ao aire libre para poboación de menos idade é o obxectivo dos talleres itinerantes que este martes 28 inicia o Concello de Poio.
As praias e prazas do municipio son os emprazamentos escollidos para esta proposta que ao tempo pretende promover a conciencia ecolóxica mediante o uso de materiais reciclados.
Entre as 18.00 e as 20.00 horas desenvolveranse na praia de Lourido coincidindo cos Xogos de Verán iniciados esta semana.
Os seguintes talleres serán o 6 e 7 de agosto en Vilariño ás 11.30 horas; o 11 e 12 de agosto na Praza da Chousa de Combarro ás 19.00 horas; ou o 18 e 19 de agosto na praia de Cabeceira ás 19.00 horas.
O 20 e 21 de agosto será na praia de O Laño de Samieira ás 19.00 horas e concluirán os días 26 e 27 de agosto na praia de Raxó ás 19.00 horas.
A población adulta tamén dispón doutras ofertas estivais como as sesións semanais de exercicio físico 'Cóidate sempre'.
Ofrécense todos os mércores de xullo e agosto en horario de 10.00 a 11.00 horas na Casa Rosada e os venres na Reiboa, A Seca, co mesmo horario.
A duración da actividade é dunha hora aproximadamente, non se necesita inscrición previa e recoméndase acudir con roupa cómoda e auga.
Engade Pontevedra Viva como fonte preferida de Google de balde
Mantente informado coas últimas noticias de actualidade.