Curiosa situación a que se viviu pouco antes das 10:00 horas deste mércores no centro urbano, cando un tráiler quedou atascado en pleno centro de Pontevedra.
O suceso tivo lugar no cruzamento das rúas Blanco Porto e Joaquín Costa, cando un camión que transportaba vehículos non foi capaz de realizar o xiro pertinente, xunto ao colexio Calasancias, e quedou bloqueado.
Axentes da próxima Policía Nacional e tamén unha patrulla da Policía Local acudiron ao lugar, onde se creou unha importante expectación entre os viandantes.
Afortunadamente todo puido arranxarse pouco despois, tras mover un coche que se atopaba estacionado e tamén desprazar un contedor cara á beirarrúa.
A pesar diso, xerouse retención de tráfico cara a rúa Joaquín Costa, que quedara completamente bloqueada.