Un paciente menos na UCI (4) pero máis hospitalizados por covid na área sanitaria no inicio da semana
Por Diego Espiño
O alto nivel de vacinación fai que a relación de afectados por covid e hospitalizacións estea moi lonxe do vivido durante as primeiras fases e ondas da pandemia. Aínda así o alto nivel de contaxios experimentado principalmente na última semana empézase a reflectir nos ingresos hospitalarios.
Segundo a actualización oficial de datos sobre o coronavirus ofrecido ás 10.00 horas deste luns 19 de xullo polo Servizo Galego de Saúde, a Área Sanitaria de Pontevedra e O Salnés incrementa por segunda xornada consecutiva o número de persoas afectadas ingresadas.
Así, permanecen nos hospitais da comarca 18 pacientes infectados por covid, dous máis que o domingo e cinco máis que o sábado. Ese incremento concéntrase nas persoas que evolucionan en planta (14) entre o Complexo Hospitalario Universitario de Pontevedra (12) o Hospital do Salnés (1) e o Hospital QuirónSalud Miguel Domínguez. Pola contra a Unidade de Coidados Intensivos de Montecelo conta cun paciente positivo menos que o día anterior, con 4.
A área pontevedresa conta ao 19 de xullo cun total de 1.879 casos activos de coronavirus (82 máis) tras unha xornada na que se detectaron 144 novos contaxios e producíronse 62 altas epidemiolóxicas.
Desde o inicio da pandemia superaron o virus 14.704 persoas en Pontevedra e O Salnés, rexistrándose 181 falecementos de pacientes con positivo activo.
Nas últimas 24 horas realizáronse 670 probas PCR.
Relacionadas:
-
A área sanitaria achégase ao seu pico máximo de casos activos de covid con 2.485
Por Diego Espiño |
-
A tendencia á alza nos ingresos por covid mantense na área sanitaria con 24 hospitalizados
Por Diego Espiño |
-
Terceira xornada consecutiva con incremento de hospitalizados por covid tras detectarse 263 novos contaxios
Por Diego Espiño |
-
A pandemia segue sen control e deixa en Pontevedra a cifra de positivos máis alta en cinco meses
Por Natalia Puga |
-
156 novos contaxios de covid, 1.797 casos activos e 16 hospitalizados na área sanitaria
Por Diego Espiño |
-
A UCI de Montecelo sobe a cinco pacientes covid ingresados, aínda que baixan as hospitalizacións totais
Por Diego Espiño |
-
Abren un CovidAuto no Hospital Montecelo para aumentar a capacidade de diagnóstico
Por Natalia Puga |
-
Os contaxios, desbocados na área sanitaria: 304 novos infectados desde onte
Por Alejandro Espiño |