Sogama reciclou máis de 65.000 quilos de residuos sanitarios durante o Estado de Alarma
Por Redacción
O crecemento exponencial da xeración de residuos sanitarios no marco da pandemia do COVID-19, que alcanzou o seu pico máis alto a finais de marzo e principios de abril, e a sobresaturación das instalacións que, en Galicia, se viñan facendo cargo destes refugallos, levou ao SERGAS a solicitar, a través da Consellería de Medio Ambiente, a colaboración de Sogama para xestionar, nas mellores condicións, residuos sanitarios de baixo risco tales como buzos, mascarillas, luvas e asimilables.
Deste xeito, seguindo as instrucións do Ministerio de Sanidade e o Ministerio para a Transición Ecolóxica, decidiron valorizar enerxeticamente os residuos dado o negativo impacto ambiental e para a saúde que suporía o vertido destes materiais.
Nos últimos días, a empresa de reciclaxe tratou máis de 65.000 quilos de residuos sanitarios de baixo risco procedentes de centros adscritos ao SERGAS, e habilitou unha instalación provisional na que estes refugallos son triturados e acondicionados para ser valorizados enerxeticamente na planta termoeléctrica a temperaturas superiores a 850ºC, garantindo así a destrución de patóxenos e outros elementos nocivos.
Este servizo, que cesou o 21 de maio, desenvolveuse de forma independente á dos urbanos, tanto desde o punto de vista loxístico e operativo como laboral.
Relacionadas:
-
Cambio de tendencia na xeración de residuos: durante o estado de alarma subiu e en xullo baixou
Por Noticia patrocinada |
-
A reciclaxe crece un 33 % en Caldas durante o 2019
Por Redacción |
-
A compostaxe aumentou un 28% as taxas de reciclaxe nos "Concellos Revitaliza"
Por Redacción |
-
Sogama reactiva a contratación cun investimento de máis de 5 millóns de euros en melloras no seu complexo ambiental
Por Noticia patrocinada |
-
A reciclaxe de envases lixeiros no modelo Sogama incrementouse nun 25% durante os meses de marzo e abril
Por Noticia patrocinada |
-
Os pontevedreses bateron récords de reciclaxe no mes de marzo
Por Redacción |