Javier Camiña Muñiz, neurólogo e oriúndo de Meaño, desenvolve a súa actividade profesional en Palma, a capital de Mallorca, desde hai dez anos. É responsable das consultas de cefaleas, patoloxía neuromuscular e coordinador da estratexia de Código Ictus na Clínica Rotger Quirónsalud e o Hospital Quirónsalud Palmaplanas e igualmente colabora na Unidade de Cefaleas do Hospital Universitari Son Espases. É novo responsable ademais,da área de comunicación da Sociedade Española de Neuroloxía (SEN) e coordinador do grupo de estudo de cefaleas da Sociedade Balear de Neuroloxía.
Falamos dese trastorno, dos ictus, de 'covid persistente' e como membro dos grupos de estudo sobre conduta e demencias da SEN recollemos a súa opinión sobre a prevención, detección temperá, asistencia sanitaria e social da pirámide de idade poboacional española a presente e futuro.