O xerontólogo Miguel Anxo Álvarez González volve para falarnos da súa última publicación, 'Educación para a saúde. A prevención e o coñecemento, piares fundamentais para o envellecemento activo'. Un título que pretende "manter e mellorar a calidade de vida das persoas maiores e facer coincidir no posible a esperanza de vida coa esperanza de vida libre de dependencia". Calidade de vida que require de "benestar físico, mental e social" e os tres de actividade, dado que está demostrado cientificamente que o factor máis influente sobre a saúde é o estilo de vida.
