O ciclo de butaca da Banda de Música de Pontevedra (BMP) superou o seu ecuador. O Teatro Principal acolleu este xoves o cuarto dos oito concertos programados neste primeiro semestre do ano.
Foi o que protagonizaron os músicos da agrupación pontevedresa coa colaboración como solista do clarinetista Javier Vidal Sánchez.
O mozo pontevedrés, natural de Arcade e solista da Banda de Música da Coruña, compartiu escenario coa BMP nun concerto que volveu marabillar o público que enchía as butacas do vello auditorio.
O repertorio desta actuación estivo composto por pezas de Morton Gould, Arti Shaw e Leonard Berstein.
Tras este concerto, a seguinte cita do ciclo de butaca será o próximo 16 de abril, día no que a banda explorará novos territorios e se aproximará a compositores americanos.