Na loita contra a violencia machista todo esforzo é pouco, e cada acto suma, como o celebrado este domingo no Teatro Principal de Pontevedra.
Foi o último acto da programación do 25-N, Día Internacional da Eliminación da Violencia contra a Muller.
Cun cheo absoluto no patio de butacas, a aula de teatro do Centro de Información á Muller (CIM) de Pontevedra estreou con éxito dúas novas obras, Fin de mes e A verdade por diante.
O evento concluíu cos actores sumándose á campaña En negro contra a violencia ante a ovación dos asistentes.