A Avenida de Santa María acolleu este domingo un concerto da Banda de Música de Salcedo.
A actuación, enmarcada no programa da Semana Grande das Festas da Peregrina, serviu tamén para celebrar as festas patronais da parroquia de Santa María A Maior, con motivo da solemnidade da Asunción da Virxe.
A Real Basílica acolleu misas ás 9:30, 11, 12:30 e 20 horas, todas elas de festa; adecuándose aos aforos permitidos e demais medidas sanitarias vixentes.
Como curiosidade, este domingo podíase gañar na Real Basílica indulxencias plenarias, coas condicións afeitas (confesándose, comulgando e rezando polas intencións do Papa).
Este luns 16 de agosto celebrarase San Roque, haberá misas pero non sairá pola cidade a tradicional procesión.
Engade Pontevedra Viva como fonte preferida de Google de balde
Mantente informado coas últimas noticias de actualidade.