O xoves día 11 de abril, ás 20:15 horas, na Igrexa de San Francisco de Pontevedra, a Sociedade Coral Polifónica de Pontevedra, ofrecerá un concerto de música sacra.
A Coral estará dirixida por Nanette Sánchez Ordáz e acompañados pola pianista Andrea García González. No concerto intervirán as sopranos solistas Pilar Baamonde Lusquiños e Marta Valbuena Aguado.
O concerto constará de dúas partes, na primeira interpretaranse pezas de Johann Sebastian Bach, Wolfgang A. Mozart, Salvador Giner Vidal, Edward Elgar, Cesar Frank e Gabriel Fauré; e para a segunda parte está prevista a Missa Brevis de Jacob de Haan.
A Coral Polifónica de Pontevedra agradécelle ao párroco de San Francisco a súa colaboración.