A banda canadense The Sadies xa está en España. O tour de presentación do disco Nothern Passages comeza este xoves en Barcelona e, tras outros sete concertos, chegará a Pontevedra.
Será o próximo 1 de abril, ás doce do mediodía, na segunda cita do ciclo As Matinés do Principal.
Nothern Passages é o décimo disco deste grupo liderado polos irmáns Dallas e Travis Good.
Esta curtida banda canadense leva desde 1998, cando debutou nas filas da discográfica de Chicago Bloodshot, aplicando tratamentos de elegancia a unha música que hibrida garage, psicodelia, rockabilly surf e bluegrass.
As entradas para este concerto teñen un prezo de 14 euros e pódense adquirir en www.ataquilla.com.