Alfonso Zarauza estrea 'Pontevedra, hora cero' o xoves 4 de xaneiro no Teatro Principal

O xoves 4 de xaneiro ás 20.30 horas estrearase no Teatro Principal a película do director Alfonso Zarauza que leva por título 'Pontevedra, hora cero'.

Trátase dunha película que combina documental e ficción para ofrecer unha perspectiva da evolución da cidade de Pontevedra durante as dúas últimas décadas.

Alfonso Zarauza, director tamén de 'Ons', estará presente na proxección do mesmo xeito que as actrices protagonistas Melania Cruz, Ledicia Sola e Marta Lado. 

Miguel Anxo Fernández Lores, alcalde de Pontevedra, tamén asistirá á estrea e poderá comprobar a súa intervención nun cameo dentro do filme. 

A película rodábase en Pontevedra a finais de 2021, a través dun encargo do Concello e da Deputación de Pontevedra. Tamén asistirá Demetrio Gómez, concelleiro de Cultura.

O argumento narra a historia dun director de cinema que quere rodar un documental sobre o "milagre urbanístico de Pontevedra" pero, en plena rodaxe, comproba que coñece pouco a cidade e que, ademais, o tema non o motiva moito. Entra en crise creativa e decátase de que prefire rodar unha ficción. Contacta coas súas actrices habituais e, entre toda a equipa, logra sacar adiante o proxecto.

A entrada á proxección é libre ata cubrir a capacidade do Teatro Principal.