O recital ‘Á luz dos candelabros’ cumpre coa súa tradicional presenza na programación da Deputación e chega á súa edición número 63 este próximo sábado 3 de agosto no edificio Castelao do Museo provincial, a partir das 19.00 horas. A entrada é gratuíta ata completar aforo.
O concerto corre a cargo dos alumnos chegados de múltiples países que participan no curso internacional Música de Compostela.
Desde 1958 este alumnado chega á cidade compostelá no verán para formarse en música española. A actuación en Pontevedra é a única que realizan fóra de Santiago.
O director de Música en Compostela e profesor de Viola é o indú Ashan Pillai.
O resto de profesorado intégrano María José Montiel, en Canto; David del Puerto en Composición; Roberto Fresco, profesor de Órgano; Stephan Picard, de Violín; María de Macedo e Stephan Fork, de Violoncelo; Jose María Gallardo del Rey, profesor de Guitarra; José Sierra Pérez e Ismael Fernández de la Cuesta, de Musicología; Carmen Cruz Simó, profesora de Música Polifónica; e Josep María Colom, de Piano.