O festival infantil Animatrón volve ao Parque das Palmeiras pontevedrés.
Desde este luns 31 de xullo ata o venres de agosto celebraranse, desde as 18.00 ata as 21.00 horas, diferentes actividades destinadas ao público infantil.
Ao longo de cada día propóñense talleres temáticos e espectáculos de zancudos, malabares, globos xigantes, monicreques, maxia e actuacións do Home Orquestra.
Os máis pequenos coas súas ferramentas e os seus cascos regulamentarios teñen tamén a posibilidade de construír unha cidade con pezas que simulan un xogo Lego xigante.
As actividades son gratuítas e forman parte das propostas do programa Festas de Verán de Pontevedra.