Coa súa anterior novela Beleza vermella, a escritora Arantza Portabales consolidouse cunha das grandes referencias da novela negra en Galicia. Por esa mesma senda continúa coa súa nova obra, A vida secreta de Úrsula Bas (Galaxia, 2021).
Nun encontro cos lectores celebrado na Librería Cronopios, Portabales presentou en Pontevedra esta nova novela, na que os protagonistas volven ser o equipo policial formado polo inspector Santi Abad e a (agora) subinspectora Ana Barroso.
En A vida secreta de Úrsula Bas, a autora narra a desaparición dunha escritora famosa que deberán investigar esta problemática e inestable parella de policías.
Cunha trama de ritmo e acción fulgurante, a novela entra na dobre de vida dunha muller que se deixa arrastrar polo descoñecido, pola atracción e o misterio dun ser verdadeiramente perverso.