As estudantes do CEIP A Xunqueira 1, de Pontevedra, Mara Freire Carracedo e Sandra Paola Lozano Xusto, recibían este xoves o premio no concurso Andersen de cómic nun acto celebrado no centro de estudos destas dúas alumnas.
O secretario xeral de Cultura, Anxo Lorenzo, e a concelleira de Cultura de Pontevedra, Carmen Fouces, asistían a este evento no que tamén recibiron un galardón un grupo de estudantes de primeiro da ESO de Vigo nas categorías de lectores.
Este certame está convocado pola Organización Española para o Libro Infantil e Xuvenil (OEPLI), con motivo do Día Internacional do Libro Infantil e Xuvenil. En Galicia, a Asociación Galega de Literatura Infantil e Xuvenil (Gálix) promove esta iniciativa.
As obras que se presentaban ao concursos centrábanse nunha historia debuxada que tiña como referente algún dos contos do autor danés Hans Christian Andersen.
Engade Pontevedra Viva como fonte preferida de Google de balde
Mantente informado coas últimas noticias de actualidade.