Os lobos inspiran o último disco de Davide Salvado como parte de esa Galicia máis pura e salvaxe. Dá nome a este traballo musical e tamén é un dos temas que se inclúen no álbum.
Esa canción é, precisamente, a que o artista de Marín elixiu para gravar o seu novo videoclip.
O traballo, que xa se pode ver na Internet, foi gravado en Palas de Rei (Lugo) por parte da produtora GB Projects e nel colabora tamén o bailarín Daniel Pardo.
Con este videoclip, o artista pontevedrés decidiu mostrar aos espectadores como é a súa vida na aldea na que vive.
Lobos é un traballo feito desde o corazón, todo un agradecemento por parte de Davide Salvado a todas esas pandereteiras e bailadoras maiores, mulleres fortes e anónimas, que lle ensinaron a ser o que é.