O Concello de Pontevedra completa a programación de celebración do Día do Orgullo co agardado festival de música electrónica, Flop Festival. Será o día 13 de xullo, de 12.00 a 00.00 horas no parque do Gafos coa participación de dez artistas.
Esta iniciativa completa outras coma as proxeccións do Flop Cinema xa rematadas a primeiros de xuño, e dos Faladoiros diversos que este xoves chegan ao seu fin coa proposta "Políticas LGTBIQ+, a igualdade é posible", a cargo dos representantes dos diversos grupos parlamentarios galegos a partir das 20.30 horas na Casa da Luz.
O Flop Festival inclúe unha programación que pretende ser variada e diversa, xuntando o talento local con artistas de distintas procedencias e estilos musicais, ademais dun convidado internacional: Bell Towers.
Tamén tocarán no Flop: Sano, Blue Lights in the basement, Samantha Hudson, More Amore, BabyKatze, Lua Zalamera, Nico, Certain People, Viktor Flores.
Engade Pontevedra Viva como fonte preferida de Google de balde
Mantente informado coas últimas noticias de actualidade.