Este venres 26 de xaneiro será, sen dúbida, unha data inesquecible para o músico pontevedrés Javier Lago, que lanzou o seu primeiro álbum e presentouno no Museo de Pontevedra diante de numeroso público.
Baixo o título 'Perdón por las molestias', o álbum está composto por dez cativadoras cancións entre as que se atopa o sinxelo 'Todo a la vez', que acompaña o lanzamento, ou unha versión de 'Menina estás à Janela', unha canción popular da rexión portuguesa do Alentejo e coñecida pola versión de Vitorino.
Os temas abrazan estilos do máis variados, desde o pop ata o máis íntimo e culminando cunha rumba na que convida a cantar con el a amigos e familiares.