Que mellor para seguir mellorando que probarse nun concerto. É o que puideron experimentar nove bandas emerxentes da cidade no 'Serán de tralla' celebrado este sábado.
Na chaira de entrada do Local de Música, entidade que lles presta asesoramento e traballa na súa formación, os grupos puideron mostrar os seus progresos en aspectos como a posta en escena ou imaxe.
O obxectivo pasaba ademais por preparar ás bandas pontevedresas para poder tocar en grandes escenarios a través de proxectos como o Fest ou os 15 Bolos.
Os grupos participantes no 'Serán de tralla' foron: AnodhoR, Chirri Bomb, Loaded Gun, Bagoal, Stock, Via Sete, No one for President, Venemous Pinnk, Glitter¬Litter e Wiseman.