O Festival Internacional de Cine de Bueu deu a coñecer a imaxe que acompañará a súa 18ª edición á vez que anunciou a apertura da convocatoria para a recepción de obras.
Esta nova ilustración está inspirada na temática da Sección Retrospectiva, o exilio e a imaxe.
As proxeccións das Retrospectivas irán acompañadas da presentación e publicación do Caderno FICBUEU #6 "Imaxes do exilio / Exilios da imaxe", elaborado polo investigador e docente José Manuel Mouriño, que explorará a figura do exilio desde a súa dimensión visual.
A imaxe, que evoca mapas de movemento e calor, toma como referencia unha obra da pintora surrealista Remedios Varo.
Este deseño alude á deslocalización como fonte de inspiración e transformación no ámbito artístico.
A programación do festival, como é habitual, será moi completa e incluirá proxeccións de curtametraxes, coloquios, encontros con cineastas, talleres e actividades para todos os públicos.
Entre elas destacan as IV Xornadas Cinematográficas, a Ruta de tapas 5 Estrelas e o MINIFIC, o programa especial dirixido a nenos, mozos e centros de ensino.
Esta 18 edición terá lugar do 5 a 20 de setembro.