O Pazo da Cultura viviu unha gran noite de teatro coa represención de 'El Intercambio', comedia rotunda que arrincou as risas do público presente.
A obra, terceira cita do ciclo Summum Teatro, contou cun gran elenco de actores, con Gabino Diego e Teté Delgado como protagonistas e con gran química sobre o escenario.
'El Intercambio' basea o seu argumento na proposta dun intercambio de parellas de Eva e Jaime (Teté Delgado e Gabino Diego), que buscan darlle un novo aire á súa relación despois de 15 anos de matrimonio.
A partir dese momento unha sucesión de gags visuais e verbais, mesturando aos diferentes personaxes, provoca un divertido cóctel explosivo mentres os protagonistas reflexionan sobre o seu amor.
O ciclo Summum Teatro terá a súa última parada o vindeiro sábado 3 de xuño con 'El Padre', obra protagonizada por Héctor Alterio.