A Alameda de Pontevedra será escenario os días 30 e 31 de maio da segunda edición do Incode Fest.
O festival local producido por Artecalavera e o Concello repite experiencia combinando música en vivo e espírito de comunidade.
A organización desvelou o cartel do evento, que combinará artistas consolidades e emerxentes con escolas de música locais e con protagonismo tamén de bandas do Local de Música de Pontevedra.
Entre os nomes destacados do cartel, explican os seus responsables, atópanse FAUL e Mundo Prestigio, que compartirán escenario con propostas como Thom Archi ou Cintaadhesiva mesturando sons electrónicos, rock e punk.
Ademais darase protagonismo a proxectos de inclusión e contarase cunha banda da Escola de Rock de Paredes de Coura (Portugal).
O festival Incode Fest preséntase como un evento "sostible, accesible e comprometido coa inclusión e diversidade".
Toda a programación contará con entrada de balde.
Ademais, como antesala, o día 22 de maio a Cervexería Nasa na Santiña acollerá a 'Noite Boomer', na que se presentarán os proxectos musicais dos alumnos de maior idade do Estudo Bonobo.
Engade Pontevedra Viva como fonte preferida de Google de balde
Mantente informado coas últimas noticias de actualidade.