Representantes do sector cultural e creativo da cidade mantiñan un encontro de traballo informativo co alcalde Miguel Anxo Fernández Lores e cos concelleiros Anabel Gulías e Demetrio Gómez, responsables de Promoción Económica e Cultura.
Trátase de reunións destinadas a comunicar a sectores estratéxicos a selección da ciuddad de Pontevedra como sede as dúas próximas edicións dos Premios Feroz, da crítica cinematográfica, que contarán cunha celebración da gala de entrega de premios no Recinto Feiral o 25 de xaneiro de 2025, ademais doutras actividades complementarias.
A intención do goberno local é establecer unha canle de comunicación directa con axentes sociais determinantes para que conten coa oportunidade de expoñer preguntas e expresas as súas inquietudes para organizar un programa de propostas para desenvolver a partir do mes de outubro conectando á industria audiovisual coa cidadanía.
Os premios Feroz, coñecidos como os galardóns antesala dos Goya e por recoñecer a excelencia na produción cinematográfica estatal, servirán para que Pontevedra proxéctese como un referente en talento e creatividade, segundo transmitiron os representantes do Concello aos participantes na sesión.
Desta forma, destacaron que tanto o sector cultural como outras industrias baseadas na creatividade experimentaron un notable crecemento no municipio durante os últimos anos, establecéndose como un motor económico e social de gran relevancia.
Ao longo das próximas semanas continuarán convocándose reunións informativas con empresas locais, institucións educativas e asociacións para promover actividades colaborativas que convertan este evento nunha experiencia enriquecedora tanto para os profesionais relacionados co cinema e a industria audiovisual como para a cidadanía.