Son dúas artistas cunha personalidade escénica indiscutible e as dúas ofrecen un son que se despraza desde o tradicional ata rexistros experimentais e sorprendentes. Mónica de Nut e Martirio ofreceron o mellor do seu repertorio no concerto que se desenvolvía este domingo no Teatro Principal de Pontevedra.
Este recital inclúese dentro do Ciclo Contrariadas no que se ofrecen actuacións de artistas de calidade contrastada e que ofrecen diferentes formas de entender a música.
Numeroso público achegábase, a pesar da noite chuviosa, ata o Teatro Principal para ver a estas dúas artistas con voces inimitables.