A colección fotográfica To name a mountain, de Alfonso Almendros, estará exposta no Café Moderno Afundación de Pontevedra desde o 4 ao 28 de setembro.
A mostra, gañadora do V Premio Galicia de Fotografía Contemporánea, parte da viaxe que emprendeu o pintor de paisaxes Albert Bierdstadt en 1863 a través das montañas rochosas acompañado polo escritor Fitz Hugh Ludlow. O paisaxista realizou varios bosquexos, que logo transformou en cadros, e tomou notas para logo escribir un libro.
Almendros aprópiase da súa historia e imaxes para falarnos da súa propia a través de pasaxes da historia da fotografía e con recursos plásticos que renden homenaxe ao medio, demostrando a súa paixón pola natureza e as instantáneas.