O festival SonRías Baixas de Bueu xa ten datas para a súa próxima edición, a 21 desta cita musical. Celebrarase os días 1, 2 e 3 de agosto.
Este festival celebrou este ano 2023 o seu vixésimo aniversario con récord de asistencia e agora xa prepara a nova cita, promovida, como é habitual, por PlayPlan.
Desde a organización anuncian que durante o mes de xaneiro coñecerase máis información sobre a súa proposta musical e artistas confirmados, así como sobre a venda de abonos.
Este 2023 o festival clausurou tres días de música cunha cifra de asistencia de 22.400 persoas, récord histórico nos seus vinte anos de celebración, logrando manter a súa vocación interxeracional e xerando un impacto económico no territorio de máis de 1'5 millóns de euros.