Este mércores, 5 de Febreiro, a escola infantil Bicos recibiu a visita de Orbil, a mascota do Salón Infantil do Libro Infantil e Xuvenil de Pontevedra.
O lobo chegou xusto cando os pequenos acabaron de facer un simulacro de incendio. Unha vez que todos volveron ao centro Orbil visitounos nas súas aulas. Os nenos acariñaron e abrazaron á mascota, bailaron con ela e regaláronlle debuxos que fixeran esa mañá.
Desde o centro temían que algúns nenos vísense asustados ante a presenza dun lobo que non coñecían, pero o sempre amable e atento Orbil soubo gañarse facilmente a atención e o afecto dos pequenos desde o primeiro momento.
Desde o Salón, comenta Kai, acompañante de Orbil, levan facendo este roteiro desde hai anos, coa que pretende lembrar e motivar aos menores para ler. Kai descríbenos a Orbil como un lobo cariñoso, culto e que le, e sempre que aparece é unha sorpresa agradable para os nenos.
Os dous compañeiros fan un roteiro que dura dúas semanas e polo momento visitaron oito do aproximadamente trinta centros que teñen previsto visitar.
Engade Pontevedra Viva como fonte preferida de Google de balde
Mantente informado coas últimas noticias de actualidade.