PontevedraViva Radio continúa coa actividade iniciada para este 2026 de fomento da lectura entre estudantes de Primaria e Secundaria.
Esta vez compartiron estudo alumnos de segundo curso de ESO do IES Xunqueira II de Pontevedra.
Federico García Lorca foi o autor sobre o que se centrou a sesión. A súa biografía e a súa traxectoria como escritor ocupou un primeiro bloque.
A través de informacións de PontevedraViva e dun audiovisual de RTVEPlay souberon do vínculo de García Lorca con Galicia e con Pontevedra.
Eses nexos á comunidade e á súa cidade resultaron rechamantes entre estes mozos.
Conxugando a parte de incentivación do interese lector con nocións sobre o medio radiofónico, chegaron á parte máis práctica na que redactaron e locutaron entrevistas imaxinarias co escritor granadino.
Para completar a actividade, deron lectura a un poema de García Lorca escollido do 'Romancero xitano'.
Durante a visita estudantil realízase tamén a gravación dun podcast, xa dispoñible para escoita e descarga.
Engade Pontevedra Viva como fonte preferida de Google de balde
Mantente informado coas últimas noticias de actualidade.