As actividades da Feira ds Industrias Culturais de Galicia, Culturgal, saíron este domingo do seu 'campamento base', o Pazo da Cultura, e desprazáronse ao centro da cidade co dobre logro de achegar Pontevedra a Portugal e ao Culturgal aos cidadáns.
A localización elixida foi o Teatro Principal e a acción, o espectáculo (I)migrantes, do Centro Dramático de Viana do Castelo.
Portugal era este ano 2017 país convidado ao Culturgal e a cultura lusa estivo moi presente en toda a programación, por iso é polo que o espectáculo organizado a última hora da tarde deste domingo fose o colofón perfecto a ese irmandamento conseguido nos tres días da Feira entre as culturas portuguesa e galega.