Os artistas Leo Harlem e Sergio Olalla traerán a Pontevedra o próximo venres 28 de novembro o seu espectáculo de humor Trendingtronching.
Para promover a cita e dar a posibilidade de acudir de balde o Pazo da Cultura activou un concurso e un sorteo no que se poderán lograr tres entradas dobres, ademais de conseguir un pase de camerino para coñecer os humoristas tras o espectáculo.
Baseado nos carteis do ciclo Ponteatro, o Pazo da Cultura activou un concurso de fotos de "cans paveros", imaxes das mascotas que deberán ser compartidas a través da plataforma cooltabs do seu Facebook e que terán como premio unha entrada dobre con pase de camerino.
As outras dúas entradas dobres serán sorteadas a través dunha plataforma similar á empregada para o sorteo dun abono do ciclo Ponteatro.