O cinema e as series de televisión teñen xa un espazo propio en PontevedraViva Radio que inicia colaboración con Subterránea Radio a través da redifusión do podcast Fila9. Esta semana iniciou a súa cuarta tempada e fíxoo cun primeiro especial adicado ao director Christopher Nolan que estreou este 2020 'Tenet'.
Fila9 Podcast xurdiu con vocación de diversión en torno ao cinema e as series. Difunden, debaten e crtican películas que namoran e películas insufribles, series que enganchan e series de incomprensible éxito. Sempre, con respectuosa irreverencia, de forma expontánea e sinxela.
Subterránea Radio é actualmente un xestor de contidos que ofrece podcast independentes de diferentes temáticas. Un proxecto fundado por Edén J. Garrido, Ricardo Hernández, Engelbert Rodríguez e David Pintos. Este último é pontevedrés afincado en Madrid desde 2009, escritor, articulista, crítico musical e profesor de podcasting.
PontevedraViva Radio emite Fila9 no seu streaming os venres ás 23.00 horas e está dispoñible para escoitar o podcast en calquera momento que queiras entretemento coa sétima arte.