Xa está dispoñible para escoitar e descargar na web de PontevedraViva Radio o primeiro episodio do podcast 'Paisaxes progresivas'.
É un programa musical que conduce Alberto Pazo e convida a coñecer o universo musical do rock progresivo e os seus estilos afíns. Para Pazo seguir estes capítulos é "unha oportunidade de coñecer e gozar música de verdade, á marxe de circuítos comerciais, modas e tendencias e ignorada por medios".
O primeiro dos episodios está dedicado á banda estadounidense Spock's Beard, "a banda que encumbró a Neal Morse e mostrou ao mundo o talento de músicos excepcionais".
Alberto Pazo Labrador, oriúndo de Santiago de Compostela, é doutor en Xeografía e Historia e catedrático na Facultade de Ciencias da Educación de Pontevedra. Ten unha dilatada experiencia no ámbito radiofónico á fronte de programas desta temática musical.
'Paisaxes progresivas' amplía así a oferta de contenidos musicais de PontevedraViva Radio, en cuxa web hai programas como 'Apuntes de jazz', 'El club de la esquina', 'Los diez lanzamientos', 'Rumboia' e a radiofusión de 'Ábrete de orellas'.